كل الدعم والتضامن للناجيات والضحايا اللي قررن يرفعوا صوتهم ويشاركوا شهاداتهم على هاشتاج #هل_فضحت_متحرش_اليوم.
إحنا في مؤسسة بلادي بنأكدلكم: جسدك حقك، وكرامتك مش للجدل، وصوتك مهم وواجب يسمعه المجتمع كله.
التحرش والعنف الجنسي مش خطأ فردي، ده انتهاك لحقوق الإنسان، وانتهاك للسلامة الجسدية والنفسية.
المشكلة مش في اللي تعرضوا للتحرش أو الاعتداء، ولا في لبسهم، ولا في تصرفاتهم، ولا في كلامهم، المشكلة في المتحرشين، في السلطة اللي بيستغلوها، وفي المجتمع اللي أحيانًا بيبرر العنف أو يسكت عليه.
مؤسسة بلادي تقدم دعم نفسي وقانوني لكل ناجية، وتمكينها من استعادة حقها في الأمان والعدالة، سواء كانت واقعة حديثة أو تعرضت لتحرش أو اعتداء وكانت أقل من 18 سنة، حتى لو مرّت سنوات، مع ضمان سرية تامة ومتابعة الجهات المختصة مباشرة.
صوتك مش عبء، ده أداة للمحاسبة والتغيير.
العدالة مش رفاهية، ده حقك وحق كل بنت وكل شخص ممكن يكون في خطر.
والصمت مش حياد، الصمت بيخلي المتحرشين يلاقوا مكان يستمروا فيه في الاعتداء.
مع كل واحدة اتأذت، إحنا جنبكم.
مع كل صوت قرر يخرج رغم الخوف، إحنا سندكم.
مع كل محاولة لتكميم الأفواه أو تبييض صورة المعتدين، إحنا ضدها.
الأمان حق.
والكرامة مش مادة للتفاوض.
والعدالة مش اختيار.
وضد المتحرشين في العموم، أيًا كانت مواقعهم أو أسماؤهم.
