الستات والبنات في مصر بقالهم سنين بيعانو من التّحرش في عز النهار وفي المواصلات العامّة والشوارع وفي أي مكان مزدحم وحتى في شغلهم وفي كل مساحة بيكونو موجودين فيها.
الأمم المتحدة بتقول إن 90٪ من الستات والبنات في مصر اتعرضوا لصورة من صور التّحرش المتعددة، كل ده ممكن يكون وسط النور ووسط مجموعات كتير من الناس وده مش كفيل يحميهم من التّحرش.
دلوقتي مصر بتمر بأزمة في الكهرباء بتستلزم قطع النّور بشكل متكرر لتخفيف الأحمال كل مرة لمدّة ساعة تقريباً، وبيوصل القطع لأربع مرّات في اليوم، وده بيؤدي إن شوارع كتير بتكون ضلمة، وده بيزيد من تعرّض السّتات والبنات للتحرش وبيخليهم في خطر دائم طول فترة الليل بشكل أكبر، من غير حتى ما يعرفوا مين الشخص اللي بيتعدى عليهم، وسط استغلال من المتحرشين لفرصة زي دي.
